Orario adaptá di Servisio Outoridat Marítimo di Kòrsou, MAC, den konekshon ku e seshon di auditoria.

Willemstad – Ministerio di Tráfiko, Transporte i Planifikashon Urbano ta anunsiá adaptashon den orario pa duna servisio na komunidat dor di Servisio di Outoridat Marítimo di Kòrsou, MAC. E adaptashon  di orario aki ta relashoná ku e preparashonnan pa ku auditoria marítimo di reino “IMSAS audit” ku lo tuma lugá na aña 2021. E seshonnan di preparashon lo tuma lugá entre 15 òktober 2019 pa 1 novèmber 2019.

E dianan ku tin adaptashon den orario di ofisina ta lo siguiente:

–          Djamars 15 di òktober  2019 i Djaweps 17 di òktober 2019, e personal lo asistí den oranan di mèrdia na un workshop. Esei ta nifiká ku di 8’or di mainta pa 12’or di mèrdia,   ofisina lo ta habri pa públiko.

–          Di 28 di òktober te ku 1 di Novèmber 2019 ku ta e fecha nan mes ku e auditoria ta tuma lugá, ofisina lo ta habri pero e servisio na públiko lo ta limitá.

–          Djaluna 4 di novèmber, ofisina di MAC lo ta será henter dia pa públiko. Djamars 5 di novèmber 2019, ofisina di MAC lo ta habrí na su orario kustumbrá esta di 8’or di mainta pa 12’or di mèrdia i di 1.30 di mèrdia pa 4.30 di atardi.

Den kaso di emergensia lo por manda e-mail na e expertise@maritimecuracao.org of lo por yama na 564-7000.