Transporte ilegal di turista.

KOMUNIKADO DI PRENSA 410/2019
11 òktober 2019
Transporte ilegal di turista.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kuerpo Polisial ta tumando nota ku mas frekuente, ku e fenómeno di transporte ilegal di
turistanan ta biniendo dilanti i ta koriendo rísiko di sali for di man un ora pa otro.
Ta trata aki prinsipalmente di personanan individual ku den nan vehíkulonan partikular, ta
transportá turistanan kontra pago.
Aparte ku e aktividat aki ta unu inhustu kontra di e shofùrnan di taksi ku di un manera legal
ta ehersé nan labor, e ta peligroso tambe, pasobra no ta konosí ku kua intenshon e
transporte ilegal aki ta tuma lugá.
Pa transporte di turista, tin eksigensianan ku esun ku tin pèrmit, mester kumpli kuné.
Polis den su tarea di duna protekshon i sòru pa seguridat di e estranhero tambe ku ta
bishita nos isla, huntu ku su partnernan ta bai atendé di un manera severo e delito aki.
Pa esaki nos mester di yudansa di komunidat, pa denunsia e aktonan aki, yamando e
number 917, indikando e number di e vehíkulo ku ta ehersé e transporte ilegal i eventual
sitio.
Kuerpo Polisial ke hasi un yamada na tur esnan ku di un forma ilegal, pues sin e pèrmit
nesesario, ta transportá turistanan di un punta pa otro, pa stòp inmediatamente ku e akto
aki.
Lo bai oumentá kontrolnan tantu na aeropuerto, pirnan i áreanan turístiko. I lo bai tin
konsekuensia pa esun ku polis topa, kometiendo e echo kastigabel aki.