Detenshon relashoná ku asesinato i entrada hudisial.

KOMUNIKADO DI PRENSA 418/2019
15 òktober 2019
Detenshon relashoná ku asesinato i entrada hudisial.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 15 di òktober 2019, den oranan di mainta e tim investigativo di e Departamentu di
Krímen Organisá a hasi detenshon di e hòmber sospechoso, I.A. nasé na Kòrsou di 29 aña
di edat. Detenshon ta relashoná ku un kaso di asesinato ku a tuma lugá dia 2 sèptèmber
2019, dilanti di un establesimentu riba Caracasbaaiweg.
Relashoná ku esaki e tim a tene entrada hudisial na dos adres;
1. Kaya Falcon i
2. Un kompleho di apartamentu riba Seru Fortunaweg.
Durante e entrada hudisial polis a konfiská varios artíkulo ku ta di importansia pa e
investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
Investigashon den e kaso aki ta kontinuá.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: