Frakshon di MAN ku un petishon pa un reunion di komishon sentral enkuanto Refineria Isla (PDVSA) su kumplimentu na su trahadónan.

Frakshon di MAN ku un petishon pa un reunion di komishon sentral enkuanto Refineria Isla (PDVSA) su kumplimentu na su trahadónan.

 

Frakshon di MAN a tuma nota ku Refineria di Kòrsou (RDK) huntu ku Project Management Organization (PMO) ta negoshando ku e grupo Klesch ku aktualmente ta e grupo preferensial pa bira e esun ku lo bai operá nos refineria. Tambe nos a tuma nota den un komunikado di prensa di Refineria di Kòrsou ku e grupo Klesch lo tei den e siman di 14 di òktober 2019 na Kòrsou pa por kontinuá ku nan “due diligence”. Esakinan sigur ta pasonan sumamente importante pa por yega na un operador pa nos Refineria despues di 31 desèmber 2019 mirando e situashon ku pais ta pasando aden. Ku esaki nos ta konkluí ku aktualmente Refineria Isla (PDVSA) lo no ta e grupo di preferensia pa operá nos Refineria.

 

Pa Parlamento di Kòrsou i tambe pueblo di Kòrsou ta importante pa sa kiko ta e status di Refineria Isla (PDVSA) mirando ku pa 31 di desèmber 2019 nan kontrakt ta terminá. Tambe pa Parlamento tende di Refineria Isla kiko eksaktamente ta nan situashon aktual, sigur awor ku nan tin mas ku 30 aña ta operá nos Refineria i tambe kon nan ta mira nan mes den e situashon aki.

Nos lo ke sa tambe si Refineria Isla ta bai sigui kumpli ku e trahadónan di Refineria Isla te na último momento basá riba nan derechinan. 

 

Nunka anteriormente Parlamento no a haña e oportunidat pa diskutí riba e tópiko aki i pa e motibu aki frakshon di MAN pa medio di un karta a aserká presidente di parlamento, pa konforme artíkulo 33 di reglamentu di órden di Staten, konvoká un reunion di komishon sentral ku karakter di urgensia ku e tópiko: Refineria Isla (PDVSA) su kumplimentu na su trahadónan.

 

Pa e reunion aki frakshon di MAN a pidi pa gerente di Refineria Isla ta presente.