Pronóstiko di tempu pa Kòrsou i bisindario bálido te djaluna mainta 6:00 o.l, 21 di òktober 2019.

Pronóstiko

Pronóstiko di tempu pa Kòrsou i bisindario bálido te djaluna mainta 6:00 o.l, 21 di òktober 2019.
Kompilá: djadumingu 20 di òktober 2019, 05:00 o.l. (09:00 UTC).

Tempu: Shelu ta parsialmente nublá. De bes en kuando hopi nublá ku algun áwaseru lokal. Tambe tin chèns pa welek i bos.

Temperatura máksimo lo alkansá 32 ºC, i temperatura mínimo di 25 ºC.
Solo ta sali 06:26 i ta baha 18:15 o.l.

Bientu: For di direkshon generalmente ost i moderá; forsa 3 pa 4 (12 pa 30 km/ora, 7 pa 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo).

Situashon general: Un disturbio ta sigui riba parti oriental di Laman Karibe i lo generá nubia ku áwaseru riba parti di nos isla tambe durante parti di djaluna. Di un otro banda, un fluho di bientu moderá ta persistí i ta sòru pa e laman keda basta trankil.

Kondishon di laman: Por lo general trankil ku altura di ola serka di 1 meter (2 te 4 pia).

Sistemanan signifikante di wer tropikal: Ningun. Tormenta Post-Tropikal Nèstòr a suak riba tera ayera na e parti nort di e península di Florida i e Sentro Nashonal di Orkan a emití e último boletin riba e siklon tropikal aki.

Fenómeno spesial: Ningun.

Perspektiva te djamars mainta: Nubianan i áwaseru lo desaparesé gradualmente riba djaluna, miéntras un bes mas awa por kai den djamars mardugá i mainta.

Meteorólogo: Coffie