Minister di Finansa ta informa: E cifranan di aña 2021 ta cla y ta wordo publica den e URK4 cu ta wordo manda pa Parlamento y ta publico via www.gobierno.aw

Minister di Finansa ta informa:

E cifranan di aña 2021 ta cla y ta wordo publica den e URK4 cu ta wordo manda pa Parlamento y ta publico via http://www.gobierno.aw

 

ORANJESTAD – Cada kwartaal Minister di Finansa ta publica un ‘uitvoeringsrapportage’ (URK) den cual ta duna un bista amplio di tur informacion financiero di Pais Aruba. Den e URK por haya informacion riba entrada, gasto, debe, esfuerso pa baha gasto di personal etc etc., y tur otro informacion relevante di finansa publico di Aruba.

 

Informacion di recorte tambe ta publica den URK

Pa locual ta trata e recorte di salario di sector publico, Minister di Finansa ta referi na ‘bijlage 2’ di e rapport aki bou di ‘versoberingsmaatregelen’. Eynan por wak pa cada kwartaal kico e aporte tabata y esaki ta e ‘verslag’ cu ta wordo pidi pa Gobierno publica conforme ley.

 

Esfuerso haci pa baha gasto di personal ta wordo raporta den e URK

Tur esnan cu kier verifica kico tur Gobierno a haci pa baha gasto di personal, por recuri na ‘bijlage II’ di e URK riba pagina 43, 44 y 45. Eynan por lesa tur detaye kico ta haci pa baha gasto di personal y cuanto placa a logra spaar conforme e plan pa baha gasto di personal ‘Beleid Verlaging Personeelslasten’ conoci como BVP.

 

URK ta bay Parlamento y CAFT y ta documento publico

Tur kwartaal Minister di Finansa ta manda e URK pa Parlamento. CAFT tambe ta haya e URK pa asina nan duna nan opinion riba e raportahe. Parlamento tambe ta haya e conseho/opinion di CAFT pa por tin un bista completo di Aruba su finansa publico. E URK ta un documento publico y ta wordo publica riba http://www.gobierno.aw pa e informacion por ta asesibel pa tur hende.

Share this page to Telegram

This site uses Akismet to reduce spam. Learn how your comment data is processed.

%d bloggers like this: