Gezaghebber Edison Rijna : No tin menasa di tsunami pa Boneiru
Gezaghebber Edison Rijna : No tin menasa di tsunami pa Boneiru
Kralendijk – Gezaghebber Edison Rijna ta deklará ku kontrali na rumornan insistente no tin ningun menasa di tsunami pa Boneiru. ,,Asina ku mi a tuma nota di e informashon ku ta sirkulá, mi a tuma kontakto ku servisio meteorológiko na Hulanda, esta KNMI. Nan a sigurá mi ku no tin ningun motibu pa pániko. No tin un tsunami alert ni un tsunami watch vigente pa Boneiru. Mi ke hasi un yamada na un i tur pa keda trankilo i no bai tras di informashon ku no ta korekto. Komo gezaghebber mi ta enkargá ku seguridat i órden públiko i ta mi deber pa buska informashon verídiko,” asina gezaghebber Rijna a deklará.
Gezaghebber Rijna a bisa tambe ku Boneiru tin un tim di kalamidat ku ta trein regularmente pa posibel kalamidat. ,,No masha tempu pasá nos tabatin un ensayo marítimo kaminda nos a repasá tur loke mester sosodé den kaso ku nos isla haña su mes konfrontá ku un tsunami por ehèmpel. E tim di kalamidat tin su draibuk pa tur tipo di kalamidat ku nos por haña nos mes aden. Si tin menasa di un kalamidat, ami ta e promé persona enkargá pa asumí su responsabilidat, aktua i informá komunidat.”
Gezaghebber Edison Rijna : Geen tsunamidreiging voor Bonaire
Kralendijk – Gezaghebber Edison Rijna verklaart dat er in tegenstelling tot aanhoudende geruchten, er geen tsunamidreiging is voor Bonaire. ,,Zodra ik hoorde van de berichten die de ronde doen, heb ik contact opgenomen met de meteorologische dienst van Nederland, het KNMI. Zij hebben mij verzekerd dat er geen reden is voor paniek. Er is geen tsunami alert of een tsunami watch van kracht voor Bonaire. Ik wil iedereen oproepen om rustig te blijven en niet te reageren op onjuiste informatie. Als gezaghebber ben ik belast met de openbare orde en veiligheid en is het mijn plicht om betrouwbare informatie te zoeken,” zo heeft gezaghebber Rijna verklaard.
Gezaghebber Rijna verklaarde ook dat Bonaire een Rampenteam heeft, het team oefent regelmatig voor het geval een calamiteit zich voor zou doen. ,,Niet zo lang geleden hebben wij een maritieme oefening gehouden waarin we hebben geoefend wat er moet gebeuren als ons eiland bij voorbeeld met een tsunami te maken krijgt. Het Rampenteam heeft een draaiboek voor alle soorten calamiteiten waar we mee te maken kunnen krijgen. Als er een dreiging van een calamiteit is, dan ben ik de eerste persoon die belast is om zijn verantwoordelijkheid te nemen, op te treden en de samenleving te informeren.”