Parlamentario Curtley Obispo: Presupuesto 2020 di Pais Kòrsou: preguntanan i petishonnan pa loke ta trata e Plan di Restrukturashon di e Aparato Gubernamental di Pais Kòrsou
Presupuesto 2020 di Pais Kòrsou: preguntanan i petishonnan pa loke ta trata e Plan di Restrukturashon di e Aparato Gubernamental di Pais Kòrsou
Parlamentario Curtley Obispo durante e di tres dia di tratamentu di e Presupuesto 2020 di Pais Kòrsou, a hasi diferente preguntanan i petishon na Minister di Maneho di Gobernashon, Planifikashon i Servisio Públiko, señor Armin Konket.
Preguntanan a base di “Staat van salarissen en sociale lasten” i e Nota di Finansa página 50 i 51:
Pregunta: (1) kon a yega na e sifra di 194 empleado publiko pa instroom?. (2) kon a yega na e sifra di 583 empleado publiko pa uitstroom?. (3) kon a yega na e ratio di pa kada 3 uitstromer tin 1 instromer?. (4)kuantu empleado publiko total tin ku a nanse entre añanan 1957 te ku 1960? (5) kon lo bai atendé ku funshonnan kritiko den e aparato gubernamental durante restrukturashon di e aparato gubernamental? (6) den mion florin, kuantu ta e efekto pa presupuesto 2020 di 194 instromers?
Petishonnan na Minister:
(1) petishon pa risibí e Plan di Restrukturashon di e Aparato Gubernamental a base di 194 instromers i 583 uistromers den aña 2020; (2) petishon pa Minister splika e Plan di Restrukturashon di e Aparato Gubernamental; (3) petishon pa Minister splika na plaka chikí henter e pakete di VUT 1957-1960 pa e total di 34.9 mion florin den aña 2020; (4) Petishon pa risibí di Minister e kalkulashon di e 194 instromers i 583 uitstromers pa kada Ministerio; (5) Petishon pa risibí di Minister e kalkulashon total di 34.9 mion florin, inkluyendo e montantenan pa salario i tambe komponente nan di AOV uitkering, AOV-premies, BVZ premies i eenmalige lumpsum; (6) petishon pa Minister splika e trayekto formal ku tin ku sigui pa e empleadonan públiko ku opta pa e uistroom di 531; (7) petishon pa risibí di Minister e kalkulashonnan nan di e besparing di 6.8 mion florin den aña 2021 i 22.1 mion florin den aña 2022 (Nota di Finansa página 51).
