Parlamentario Curtley Obispo: Status implementashon Akuerdo di Gobernashon 2017-2021 pa loke ta resiklahe i waste to energy dor di Selikor N.V

Minister di Salubridat, Medio Ambiente i Naturalesa 

Senjora Susanne Camelia-Römer

Fort Amsterdam # 17

 

Djárason, 23 òktober 2019

 

Tópiko:  Status implementashon  Akuerdo di Gobernashon 2017-2021 pa loke ta resiklahe i waste to energy dor di Selikor N.V.  

 

Apresiabel Minister señora Susanne Camelia-Römer,

 

A base di e Akuerdo di Gobernashon 2017-2021, pa ami komo parlamentario ta importante pa sa e status di implementashon te ku dia 23 òktober 2019 pa loke trata resiklahe i waste to energy dor di Selikor N.V.  Pa medio di e karta aki mi ta aserka Minister ku e siguiente preguntanan i petishon konforme artíkulo 57 di Areglo di Estado di Kòrsou (nos lei máksimo) i artíkulo 96 di Reglamentu di órden di Parlamento di Kòrsou:

(1) A entamá te ku 23 òktober 2019 un trayekto di separashon di shushi i resiklahe agresivo kompañá ku kreamentu di proyektonan den kuadro di Ekonomia Blou (resirkulashon di desperdisio)? Si òf No. Dikon si òf no?

(2) A investiga te ku 23 òktober 2019 proyektonan konkreto den kuadro di  Ekonomia Blou (resirkulashon di desperdisio)? Si òf No. Dikon si òf no?

(3) A investigá proyektonan konkreto, i a elaborá  esakinan den kuadro di prosesamentu rendabel di shushi den energia duradero (waste-to-energy).

(4) Un parti klave pa logra éksito pa loke ta Ekonomia Blou (resirkulashon di desperdisio) ta pa ta mas serka di e konsumidó. Mas hende kontribuí na esaki ta nifiká un Ekonomia Blou mas grandi pa Kòrsou, ta krea mas kuponan di trabou i un mihó medio ambiente pa nos tur ku ta biba aki Na Kòrsou. Preguntanan na Minister:  (a) Selikor N.V. tin plannan konkreto pa huntu ku supermerkadonan introdusí kònteinernan di resiklahe na supermerkadonan? Si òf No. Dikon si òf no? (b) Selikor N.V. tin plannan konkreto pa na puntonan stratégiko den barionan introdusí kònteinernan di resiklahe? Si òf No. Dikon si òf no?

Petishon tambe na Minister pa mi risibí e kuenta anual 2018 di Selikor N.V.

 

Atentamente,

Curtley Obispo

Parlamentario pa Kòrsou

PAR

 

This site uses Akismet to reduce spam. Learn how your comment data is processed.

%d bloggers like this: