Preguntanan hasi dor di Parlamentario Gilbert Doran, durante reunion di komishon sentral pa tratamentu di presupuesto pa aña 2020 di e Ministerio di Ekonomia
Preguntanan hasi dor di Parlamentario Gilbert Doran, durante reunion di komishon sentral pa tratamentu di presupuesto pa aña 2020 di e Ministerio di Ekonomia
- Kooperativa ta e solushon pa e sektor produktivo, entre otro turismo, agrikultura i transporte públiko. Dikon a pone solamente 170 mil florin, pa stimulá kooperativa?
- A papia di ku ke redusí “Red Tape”. E bia aki dor di pone 67.500 florin, pa logra esaki. Minister ta kere ku e 67.500 florin e ta logra redusí e Red Tape? Nos Frakshon ke un spesifikashon/aklarashon, na kiko e 67.500 ta ser destiná, pa por logra redusí e Red Tape.
- Ta papia di smartcity/ ekonomia digitalisá pero no ta pone un florin pa realisá esakinan. Kon bin i kon otro lo realisá esaki? Minister por duna un splikashon òf un aklarashon riba esaki?
- Pa promové desaroyonan den sektor ekonómiko su puntonan di lansa, gobièrnu ta pone entre otro:
- a) 4 mion florin disponibel den proyektonan pa promové turismo den sentro di siudat.
- b) 39.616.700 florin pa promové Kòrsou komo destinashon.
- Minister por fasilitá Parlamento e proyektonan, pa e 4 mion florin?
- Minister por manda pa Parlamento e presupuesto 2020, relashoná ku e suma di kasi 40 mion florin?
- Minister por duna Parlamento un spesifikashon di e sumanan usa te fin sèptèmber 2019 pa ámbos proyekto?
Gilbert Doran
Miembro di Parlamento
Pa frakshon di MFK