Preguntanan hasi dor di Parlamentario Juniël Carolina, durante reunion di komishon sentral pa tratamentu di presupuesto pa aña 2020 di e Ministerio di GMN

Preguntanan hasi dor di Parlamentario Juniël Carolina, durante reunion di komishon sentral pa tratamentu di presupuesto pa aña 2020 di e Ministerio di GMN

 

1. Tin 1 mion florin reserva pa drecha playanan na Kòrsou. Kuantu playa ta bai drecha na Kòrsou ? Si gobièrnu tin presupuestá kuantu kada un di e playanan aki ta bai kosta?

 

1. “Regulier onderhoud” plenchi, plantsun i parkenan, tin presupuestá 94 mil florin. Nos ke sa di minister ku e suma presupuestá aki ta bai yega i ta kuantu Plenchi plantsun i parkenan ta bai risibí mantenshon?

 

1. “Herbeplanting” plenchi, plantsun i parkenan tin presupuestá 200 mil florin. E suma presupuestá aki ta bai yega pa hasi e trabou? Ta kuantu di e plenchi, plantsun i parkenan ta bai wòrdu di “herbeplant”?

 

1. FMA ta risibí 3.130.612 florin pa aña na supsidio pe próksimo 4 añanan pa atendé adikshon (droga i alkohòl). Ta un tristesa mira situashon di e adiktonan den sentro i pafó di siudat. Nan mester di yudansa urgente! Nos frakshon ke haña relato/kuenta anual 2018 i presupuesto 2020 di FMA?

 

1. Fundashon Prevenshon ta risibí 1.9 mion florin pa aña na supsidio durante e próksimo 4 añanan. Nos frakshon ke haña relato/kuenta anual 2018 i presupuesto 2020 di Fundashon Prevenshon?.

 

1. Aña 2019 a reservá 150.000 florin pa Santana di Brievengat riba presupuesto kapitaal dienst i tòg no a drecha e santana menshoná. Pa aña 2020 tin 0 florin presupuestá. Nos ke un splikashon di minister dikon a pone 150 mil florin i e aña 2020  no tin nada presupuestá . Kiko ta e intenshon ku no ta bai drecha santananan mas? 

 

1. Minister a bai di akuerdo pa oumentá tarifa di “afvalstoffenbelasting” di 20 florin pa 35 florin. Nos por haña e pronóstiko di e entrada di sifranan di “afvalstoffenbelasting” for di añanan 2019 te ku 2023 di Selikor N.V.? Nos frakshon ke haña relato/kuenta anual 2018 i presupuesto 2020 di SELIKOR NV.?

 

1. Soltuna ta risibí supsidio di 431.746 florin serka gobièrnu. Nos frakshon ke haña relato/kuenta anual 2018 i presupuesto 2020 di Soltuna?

 

1. Minister por informá parlamento, ku Fundashon STIVECU ta eksistí ainda? Pasombra nos no a bin kontra ningun sifra di e fundashon aki den e presupuesto?

 

1. Minister ke pa den 3 aña terminá ku renobashon di un edifisio sentral pa GMN. Kon ta para, ku konstrukshon na balor di 2.5 mion florin di un edifisio sentral pa GMN? Minister por informá Parlamento, si ta konstrukshon nobo òf renobashon? 

 

1. Nos a komprondé ku ta e intenshon di e minister ku ta bai oumentá tarifanan “legesverordening”, pa servisionan ku ta duna na piskadónan, kunukeronan i kriadónan di bestia? Si e kontesta ta si unda Parlamento por mira e kantidat di porshento òf den sifra ku e “legesnan” ta bai wòrdu oumentá?

 

Juniël Carolina

Miembro di Parlamento

Pa frakshon di MFK