A sobra algun lugá e grandioso fiesta di Sanikolas di Sentro di Bario Montaña

A sobra algun lugá e grandioso fiesta di Sanikolas di Sentro di Bario Montaña

 

Djasabra 30 novèmber 2019,  Sentro di Bario Montaña manera ta tur aña di nobo, tei selebrá fiesta di Sanikolas ku nos muchanan di bario di Montaña i bisindario. Inskripshon a habri pa e fiesta di Sanikolas. Kòrda aña pasa hopi mucha a keda afó.  E biaha aki den un toke diferente. Si boso ta kòrda kon bon tabata añanan anterior boso no por keda afó. Mucha di 01 te ku 10 aña por partisipá, Saku di mangel, snek, refresko i un regalito chikitu pa tur mucha. 

 

Kòrda kantidat ta limitá. Lo bai tin 15 lider pa guiá e muchanan riba e dia dushi aki. Lo bai tin un show tur afó. E fiesta lo ta yena ku animashon di Sanikolas i su Pietnan, show i hopi sorpresa mas. E fiesta grandi aki lo ta di 4’or  pa 7’or anochi na Sentro di Bario Montaña, Stakamahachiweg z/n dilanti Santa di Montaña.

 

Pasa tuma bo formulario di partisipashon na SB Montaña. Kòrda inskribí tempran pa bo no keda afó, último dia pa inskribí  i paga ta 20 novèmber 2019. Kòrda aña pasa hopi a keda afó. Un boka bisa otro. Di e forma aki nos di Sentro di Bario Montaña ke hasi nos muchanan di bario felis riba e dia grandi aki. 

 

Si kier kualke informashon òf tin pregunta tuma kontakto ku Sentro di Bario Montaña 767-1600-696-1333 òf mail nos na sentrobariomontana@gmail.com.

 

 

This site uses Akismet to reduce spam. Learn how your comment data is processed.

%d bloggers like this: