Refineria Isla ta pone un planta bèk den produkshon.

Refineria Isla ta pone un planta bèk den produkshon.

 

Djarason mainta 30 di òktober lo start e planta Thermal Cracker 1 (TC-1) den servisio komo “crude distiller”. E planta aki (TC-1) a yega di funshoná vários biaha kaba den pasado komo destiladó di krudo pisa.

 

Durante e proseso pa pon’é planta bèk den produkshon, Isla lo tuma tur medida pa garantisá un proseso efisiente i minimalisá kualkier molèster ku e proseso aki eventualmente por kousa pa komunidat.

 

Asina nos tin mas informashon di nos prosesonan, nos lo sigui mantené nos komunidat informá.

 

Departamentu di Relashon Públiko

Refineria Isla Curaçao B.V.