Empleadonan sobresaliente den terser kuartal na Renaissance Curaçao Resort & Casino
Empleadonan sobresaliente den terser kuartal na Renaissance Curaçao Resort & Casino
Willemstad –OKT– Resientemente Renaissance Curaçao Resort & Casino a rekonosé empleadonan ku a sobresalí den e terser kuartal di 2019. Un biaha mas a reuní tur kolega di tantu hotèl i Carnaval Casino den Ballroom pa selebrá. E tema di e selebrashon tabata pashon pa trabou. Manera tur hende sá, e aña aki Renaissance Curaçao Resort ta selebrando su 10 aniversario, i den luna di aprel último a kuminsá un remodelashon ekstensivo. E hotèl ku ta pertenesé na e kadena Wind Creek Hospitality ta pone énfasis riba alsa servisio na un nivel ku por kompetí internashonalmente.
Di akuerdo ku Sr. Angelo Martes, direktor di Rekurso Humano, ta rekonosé empleadonan durante henter aña; ta premia dedikashon, kumplimentu ku e balornan i propósito di e empresa, ekselensia i trabou den ekipo. “Ku e kantidat di nominadonan di kuartal ta oumentando den tur área atraves di tempu ta un señal sumamente positivo i ku ta yena nos ku orguyo i satisfakshon. E temporada di renobashon ta pruebando ku nos tin un tim sumamente dinámiko i ku amor i pashon pa nan trabou. Renaissance Curaçao Resort & Casino ta konosí pa su ekselente servisio i ku ta mantené e servisio den tòp hasta durante di e trayekto di embeyesimentu, ta meresé un elogio. Nos ta gradisí tur kolega pa nan dedikashon kontinuo den e kuartal aki tambe. Un otro parti sumamente positivo ta nos kantidat di aniversarionan ku 5 i 10 aña di servisio atraves di tempu”.
Un pabien na e tim sobresaliente di e kuartal aki; Curtney Navarro di Engineering komo Supervisor Heart of the House, tambe Chermaline Mercera di Carnaval Casino komo Supervisor Front of the House. Tambe ta hasi menshon di Sharnesca Lebar di Carnaval Casino komo Manager sobresaliente i Kevin Kwidama di casino Slot Operations komo Employee Heart of the House. Un pabien tambe na Victor de la Cruz di casino Slot Operations komo Supervisor Heart of the House. Sjoerd Wassenaar di kushina di Renaissance Curaçao a bira Manager sobresaliente di hotèl, miéntras Sjagnon Winklaar tambe di kushina a bira Employee Heart of the House. Alexis Jake di Guest Experience a keda rekonosé komo Employee Front of the House, Gilberto Minguel di F&B Nautilus komo Supervisor Front of the House i Deborah Creque di Table Operations komo Employee Front of the House. Masha Pabien i sigi ku e bon trabow!
Riba fotonan e grupo ku a sobresalí den e terser kuartal di 2019 na Renaissance Curaçao
Resort & Casino i tambe e grupo di empleado ku a kumpli nan 5 i 10 aña den servisio