ANUNSIO: Djamars 5 novèmber NO tin skol!

ANUNSIO: Djamars 5 novèmber NO tin skol!

Geplaatst op 4 Novèmber 2019 dor di Ministerio di Enseñansa, Siensia, Kultura & Deporte


Willemstad- Despues ku komunidat a keda konfrontá praktikamente hinter dia ku un kaida di suministro di koriente i su impakto riba nos komunidat, Gobièrnu di Kòrsou, Rampenbureau i algun direktiva di skol a keda monitoriá e situashon pa por tuma desishonnan mas responsabel posibel pa lokual ta trata e.o. kontinuidat di nos skolnan na Kòrsou.

Tumando nota di e situashon ku te na e momentonan aki no a normalisá i e echo ku Aqualectra ta trahando hopi duru pa resolvé e reto, pero den e fase aki no por garantisá stabililidat ainda i no por duna garantia di koriente den e próksimo oranan, Minister di Enseñansa, Siensia, Kultura i Deporte despues di e konsultanan nesesario, ta informá komunidat ku djamars dia 5 novèmber NO tin skol.

Pa lokual ta trata e pruebanan/toetsen ku e hóbennan mester a traha riba 5 novèmber, direktivanan di skol ta bini ku un alternativa próksimamente.

Pues djamars 5 di novèmber 2019 NO tin skol!

Sra. Marilyn Alcalá-Wallé

Minister di Enseñensa, Siensia, Kultura & Deporte

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: