Curaçao All In One Living Fair 2019 ta kontinuá 

Curaçao All In One Living Fair 2019 ta kontinuá 

Organisashon In Motion Management kier a anunsiá ku e Curaçao All In One Living Fair ku mester a tuma lugá wikènt tras di lomba i a keda posponé pa motibu di algun akuerdonan ku no a logra pa konkretisá.

Pero despues di vários reunion i akuerdonan konkreto e Living Fair ta kontinuá e wikènt benidero i aun mas mihó. E lo tuma lugá na e mesun sitio, Wiltraco Building, Gosieweg no.9, patras di KraamKliniek (Rio Canario).

Dianan 08, 09 i 10 novèmber  2019, djabièrnè lo ta di 7’or anochi pa 11’or, djasabra ta di 5’or atardi pa 11’or anochi i djadumingu dia 10 novèmber di 10’or di mainta pa 8’or di anochi. Pueblo di Kòrsou ta keda invitá pa bin bishita e tremendo Fair aki kaminda lo bai tin mas ku 50 Vendors riba e dianan aki, entre nan Home, Living, Health & Beauty, Merkado Lokal i un Foodcourt.

Bo por haña un Free Scan serka Skenicash pa kada dia na entrada. Skolnan tin oportunidat di gana fl.2.500,-di e “Social Project”, e skolnan ta haña e voucher pa nan yena nan dato nan, pa gana i e alumno ta gana un baiskel, esaki ta e proyekto di “Giving Back to the Community” organisá pa Curaçao All In One Living Fair 2019.

Warda bo karchi di entrada i lo bo tin e oportunidat pa gana un Skuter Yamaha, nobo nobo na balor di fl. 9.000,–.

Direktiva kier a gradisí tur persona pa e komprenshon i sosten durante di e dianan, na tur e Vendors nan ku a keda para nan tras i a keda kere den e tremendo evento aki. Pueblo di Kòrsou boso ta keda invitá pa bini ku hinter famia.