Charla grátis riba “MALESANAN DI PULMON” dia 10 di mart 2020 na Sentro di Bario Souax

March 7, 2020 REDAKSHON 0 Comments

Charla grátis riba “MALESANAN DI PULMON” dia 10 di mart 2020 na Sentro di Bario Souax

Fundashon Pro Souax, Sentro di Bario Souax i Sentro Médiko Souax pa medio di esaki ta anunsiá na habitante di bario di Souax, Gato, Zegu, Ser’i Kandela i bisindario i tur otro interesado, ku djamars awor 10 di mart e siklo di charlanan riba salú i kuido di salú, ta kontinuá ku otro tópiko interesante.
E luna aki dr. Oliva ta trata e tópiko: MALESANAN DI PULMON.
Durante e charla Dr. Oliva lo duna amplio splikashon di kiko ta malesa di pulmon i e formanan mas konosí di e malesa. Tambe Dr. Oliva lo amplia riba simptomanan, kousa, diagnóstiko i tratamentu di e malesa i kon pa prevení esaki. Malesa di pulmon no ta afektá solamente e pashènt di e malesa aki,
pero e ta afektá bida diario di miembronan di famia i amigunan di e pashènt. Pa e motibu aki e charla aki ta interesante pa famia i amigunan di e pashènt tambe asistí.
Fundashon Pro Souax ke animá tur habitante di bario di Souax, Gato, Zegu pero tambe otro interesadonan pa asistí na otro charla interesante riba bo salú i kon kuida bo salú.
Lo tin amplio oportunidat pa hasi pregunta. Entrada ta gratis i un i tur ta bonbiní.E charla ta tuma lugá na Sentro di Bario Souax i ta kuminsá shet’or en punto i lo dura te ku mitar di nuebe di anochi. Entrada ta grátis i durante e charla lo tin amplio oportunidat pa hasi pregunta.