NOS SELEKSHON NASHONAL LO TOPA COSTA RICA UN BIAHA MAS,  DIA 14 DI NOVÈMBER DEN SDK, 7:30 PM! E 23 HUNGADÓNAN DEFINITIVO DI NOS SELEKSHON TA KONOSÍ!

NOS SELEKSHON NASHONAL LO TOPA COSTA RICA UN BIAHA MAS, 

DIA 14 DI NOVÈMBER DEN SDK, 7:30 PM!

E 23 HUNGADÓNAN DEFINITIVO DI NOS SELEKSHON TA KONOSÍ!

 

Preparashonnan ta kontinuá pa loke ta trata nos segundo enkuentro kontra Costa Rica durante e último partido di e di 2 buèlta di Nations League! E partido aki ta unu krusial pa nos selekshon su pase pa e parti final di e kampionato aki! P’esei nos hungadónan mester di e apoyo i sosten di hinter pueblo di Kòrsou, djaweps 14 di novèmber, 7:30 PM den Stadion Ergilio Hato pa huntu nos logra e viktoria!

 

Despues ku nos direktor tékniko Sr. Remko Bicentini huntu ku su staf a yega na un grupo di 36 hungadó ku a forma parti di e pre-selekshon pa e partido aki, awor nos lista ku e 23 hungadónan ku lo por mira akshon durante nos último enkuentro di e segundo buèlta di Nations League ta konosí.

 

E siguiente hungadónan a keda selekshoná pa forma parti di e selekshon ku lo enfrentá Costa Rica dia 14 di novèmber próksimo;


  1. Leandro Bacuna (Cardiff)
  2. Eloy Room (Columbus Crew)
  3. Darryl Lachman (Pec Zwolle)
  4. Gevaro Nepomuceno (Chesterfield Fc)
  5. Elson ‘Sontje’ Hooi (Ado Denhaag)
  6. Brandley Kuwas (Al-Nasr)
  7. Juninho Bacuna (Huddersfield Town)
  8. Juriën Gaari (RKC)
  9. Kenji Gorré (CD Nacional)
  10. Rowendy Sumter (Scherpenheuvel)
  11. Reangelo Janga (Astana Fc)
  12. Jeremy de Nooijer (Al Shamal)
  13. Roliëny ‘Roly’ Bonevacia (Al-Faisaly)
  14. Shermar Martina (MVV)
  15. Shermaine Martina (MVV)
  16. Shanon ‘Cheese’ Carmelia (Lienden Fc)
  17. Jaron Vicario (Fc Dordrecht)
  18. Roshon van Eijma (Roda Jc)
  19. Gersinio Constancia (Inter Willemstad)
  20. Bryan Anastacia (Jong Holland)
  21. Jeremy Cijntje (Heracles)
  22. Charlison Benschop (Fc Groningen)
  23. Tyrick Bodak (PSV)

 

Karchinan pa e enkuentro aki ya ta optenibel na FFK bou di ora di ofisina, Beep Beep, Botika Mampuritu, pòmp di gasolin Sta Maria, 4th of July snèk na Barber i na Feng Wei B.V. dilanti di vèlt di Vesta.

 

E preisnan ta lo siguiente:

  • VIP ta kosta Fl.150,- (inkluso konsumo);
  • Bou di tribunanan kubrí ta Fl.50,- 
  • Tribunanan no kubrí ta Fl.30,- 
  • Mucha di 6 te ku 12 aña ku 60+ ta paga Fl. 15,- den sekshon general

 

Portanan ta habri for di 4:30PM, kòrda yega trempan pa evitá e tráfiko i semper sigui òrdu di seguridat.

 

Djaweps 14 di novèmber próksimo, mitar di 8 di anochi ta den Stadion Ergilio Hato bo mester ta! P’asina huntu nos logra e viktoria importante aki! Bisti na e kolonan di nos bandera i ban yena Stadion Ergilio Hato ku ambiente…nos selekshon ta konta ku bo apoyo komo e di 12 hungadó!

 

Karchinan ta bayendo duru…kumpra di bo awó, pa bo no keda afó!

 

6 novèmber 2019

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: