GRAN APERTURA KAMPIONATO HUBENIL 2019-2020! DJABIÈRNÈ, 8 DI NOVÈMBER, 7’OR DI ANOCHI DEN STADION ERGILIO HATO!

GRAN APERTURA KAMPIONATO HUBENIL 2019-2020!

DJABIÈRNÈ, 8 DI NOVÈMBER, 7’OR DI ANOCHI DEN STADION ERGILIO HATO!

 

 

Despues di un tremendo Kampionato Hubenil 2018-2019 ku a terminá na yüli último, Kampionato Hubenil 2019-2020 ta ranka sali den gran forma! E gran apertura aki lo tuma lugá djabièrnè 8 di novèmber 2019 den oranan di anochi ora ku mitar di 7 tur e klupnan reuní na e área di parkeo di e skol Emmanuel pa alrededor di 7’or di anochi, nan kana bai Stadion Ergilio Hato riba ritmo di BEM ‘brassband’. Na yegada di e timnan den Stadion Ergilio Hato ta sigui e parti ofisial ku entrega di premio na e ekiponan kampion i supkampion di kategoria A ku B di Kampionato Hubenil 2018-2019. Seguidamente e promé partido di Kampionato Hubenil lo tuma lugá kaminda Atletiko Saliña lo topa Mahuma den kategoria U-13.

 

E aña aki Kampionato Hubenil ta konta ku partisipashon di un total di 22 ekipo ku lo hunga tur wikènt for di mainta te anochi na diferente tereno rònt Kòrsou.

E ekiponan aki ta lo siguiente;

 

1. Atletiko Salinja
2. Centro Barber
3. Centro Dominguito
4. Centro Juve
5. C-Stars United
6. Excellence School
7. Fortuna Kura Piedra
8. Indekor
9. Inter Willemstad
10. Jong Colombia
11. Jong Holland
12. Mahuma
13. New Song
14. Quick’60
15. Scherpenheuvel
16. Stallions-Sithoc
17. SUBT
18. D Tera Kòrá
19. Undeba
20. Vesta
21. Victory Boys
22. Wishi Marchena

 

 

Un yamada ta bai na hinter e pueblo di Kòrsou pa asistí na e gran apertura di Kampionato Hubenil 2019-2020. Bin apoyá i sostené nos hóbennan ku ta e futuro di nos futbòl.

Entrada ta kompletamente grátis!

 

7 novèmber 2019

 

Programashon Apertura Kampionato Hubenil; 8-11-2019:

 

• 6:30 pm: pa mas tarda, tur klup lo mester tei na e área di parkeo

banda di skol Emmanuel pa por ‘stel op’ den forma alfabétiko (nòmber di klup) pa asina nos por kuminsá ku e  desfile

• 7:00 pm: e desfile lo kuminsá kaminda tur klup lo kana bai SDK ku nan bandera 

di klup un tras di otro (kategoria U-9 te ku U-20) kompañá pa un‘brassband’

• 7:10 pm: nos lo drenta stadion di SDK via di e porta grandi, ‘jog’ i aliniá banda 

                        di otro riba un liña. E hungadónan ta para tras di otro den rei (U-9 

dilanti sigui bai U-20)

• 7:20 pm: Presidente di FFK i presidente di Komishon Hubenil lo hiba palabra
• 7:21 pm: bendishon di e kampionato
• 7:22 pm: un hungadó lo representá tur klup i lesa e promesa
• 7:23 pm: un rèfri ta lesa e promesa
• 7:24 pm: lo duna honor i rèspèt na nos himno  
• 7:25 pm: entrega di premiashon Kampionato Hubenil 18-19 
• 7:45 pm:         tur tim lo retirá for di riba tereno i baha un tras di otro pa sinta

den tribuna i presensiá e promé enkuentro di kampionto 

• 7:45 pm:       e promé partido di Kampionato Hubenil 19-20 lo tuma lugá na 

                        tereno di SDK

 

Djabièrnè 8 novèmber 2019
Stadion	Pul #	Wega#	Tim di kas	v/s	Bishitante	Kategoria U-13
S.E.H.	Poule 3  (U-13)	1	Atletiko Saliña A	v/s	Mahuma	19:45 – 21:15 PM

Skema Apertura Kampionato Hubenil 19-20;