ESAKI TA DIMI …UN PROGRAMA PRODUSÍ PA CORIDJA STARS PRODUCTIONS

ESAKI TA DIMI …UN PROGRAMA PRODUSÍ PA CORIDJA STARS PRODUCTIONS

For temporada di F.O.K.A, FUDEKA i na aña 2012, Coridja Stars Productions, nos a dediká na
kompila informashon di historia di Karnaval di Kòrsou, kaminda a kombersa tambe ku diferente
pionero ku ta i a forma parti di historia di nos Karnaval.
Einan a bin tuma nota ku no tin informashon sentralisa tokante di Kòrsou su Karnaval.
Mirando e interes kresiente den komunidat i espesialmente serka nos hoben studiantenan,
Coridja Stars Productions a disidi di traha riba un dokumentario.
Y no tin un miho momento ku awor ku nos ta preparando pa e selebrashon di Oro di “Karnaval
era moderno ku Tumba”
Durante e añanan tras di lomba a entrevistá diferente personahe, prinsipalmente di edat i asta tin
ku ya no ta ku nos mas, pero ku a komparti parti di historia i nan eksperensia ku Karnaval
Preparando pa lansamentu di e seri di programa pa televishon aki, kaminda a kompilá hopi
material, nos a disidí di bini ku un programa komo preludio di loke ta na kaminda ku ta konsistí
di material informativo i interesante, ku gustosamente nos lo ke komparti. Esaki lo bira algun
programa informativo ku sigur lo ta un kontribushon na konosementu enkonekshon ku 50
edishon di selebrashon di nos Karnaval “Era moderno ku Tumba”.
E programa lo keda transmití tur djawebs 7or.
E programa lo kontinuá te ku temporada di Karnaval. Pues un invitashon ta bai na un i tur pa
sintonisá Tele Korsou pa bo ta bon informá di nos máksimo fiesta di ekspreshon, Kòrsou su
Karnaval.