CRU BEK DEN OPERASHON NA MES NIVEL KU 4 DI NOVEMBER ULTIMO

CRU BEK DEN OPERASHON NA MES NIVEL KU 4 DI NOVEMBER ULTIMO

Willemstad 12 di Novèmber 2019- E planta di utilidat di Curaçao Refinery Utilities (CRU) ta operá bèk na e mesun nivel ku e tabata operá dia 4 di novèmber último.  CRU na e momentu aki ta suministrá Refineria Isla ku e utilidatnan ku e mester. CRU ta hasta suministra koriente na e ret di Aqualectra. Pues no ta nesesario mas pa Aqualectra siguí suministrá Refineria Isla ku koriente.  

Profeshonalnan di CRU, trahando diligente dia i anochi, a pone e diferente mashin di produkshon den funshon bèk pa asina por suminstrá Refineria Isla ku koriente, stom i awa. Limpiesa rigoroso di e ekiponan tabata nesesario pa asina evitá kualke otro insidente, ora start e diferente mashinnan di produkhon.  

Mientras tantu gerensha di CRU i Refineria di Kòrsou ta kontinuá ku e investigashon pa determiná kiko ta loke a kousa e korto sirkuito den un transformator i e echo ku e sistemanan di protekshon, ku mester deskonektá e transformator for di e ret, no a funshoná riba e dia di e insidente.