E último ‘Roof Top Kitchen’ di 2019 lo ta djasabra dia 30 riba Rif Fort Wall

E último ‘Roof Top Kitchen’ di 2019 lo ta djasabra dia 30 riba Rif Fort Wall

 

WILLEMSTAD – Renaissance Curaçao ta invitabo pa e último ‘Roof Top Kitchen’ di aña 2019, ku lo tuma lugá dia  30 di novèmber. E próksimo edishon di ‘Roof Top Kitchen’ lo ta un ‘Yama Danki’ na tur e bishitantenan di e konsepto popular aki, ku kada bes tabata sold-out. Bishitantenan di ‘Roof Top Kitchen’ riba Rif Fort Wall ta disfrutá di un panorama vibrante di nos Handelskade miéntras ta sosialisá i purba for di e menú ‘tapas style’. Pa e edishon aki lo tin entretenimentu di Gilmar Fraites. Ta importante pa hasi reservashon ya ku ta un evento eksklusivo i asiento ta limitá. 

 

‘Roof Top Kitchen’ ta un evento kulinario den airu liber i eksklusivo riba Rif Fort Wall- entrada ta grátis. E evento ta kombiná kuminda, bebida i un estilo sofistiká. Por sea para òf sinta na diferente mesa haltu òf por tuma asiento ku un grupo grandi den un área kómodo ku ‘sofa lounge’. Djasabra dia 30 di novèmber próksimo, Renaissance Curaçao Resort lo presentá un otro edishon di ‘Roof Top Kitchen’ for di 7’or pa 10’or di anochi.  Lo ofresé diferente tapa’s sukulento i kòktelnan eksótiko prepará pa e mihó bartèndernan i ekspertonan den miksologia. Tambe tin opshon di un menú ‘a la carte’.  Lo tin WiFi i parkeo grátis pa tur kliente. Pa mas informashon of reservashon por yama 435.5034 of por email dbacuna@curacaorenaissance.com 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: