MP ta felisitá pueblo di Kòrsou ku Curaçao Medical Center

MP ta felisitá pueblo di Kòrsou ku Curaçao Medical Center

 

Despues di un seremonia di gratitut na obispado pa e 164 añanan di kuido brindá na e pueblo di Kòrsou, un era nobo a kuminsá awe ku apertura di Curaçao Medical Center.

Un era ku ta brinda oportunidat pa restrukturá nos salubridat den su totalidat.

Kaminda nos por subi nos kalidat di kuido na un nivel ku ta kumpli ku normanan internashonal i brinda e kuido aki tambe na turistanan ku lo bishitá nos pais spesífikamente pa e kalidat di kuido.

 

Un gratitut inmenso na un i tur ku di kualke forma a duna nan aporte pa realisá e proyekto aki.

Ta e komunidat di Kòrsou den su totalidat a aportá na e proyekto aki.

Na staf i personal di CMC nos ta deseá forsa i sabiduria pa sigurá kontinuashon di kuido di nos poblashon.

Movementu Progresivo lo sigui vigilá e kapítulo finansiero pa asina sigurá un salubridat aksesibel, di kalidat haltu pagabel pa e komunidat aki.

 

Marilyn Moses

Movemento Progresivo