Detenshon relashoná ku menasa i maltrato.

KOMUNIKADO DI PRENSA 485/ 2019
15 novèmber 2019
Detenshon relashoná ku menasa i maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 15 di novèmber 2019 alrededor di 12.50’or, Sentral di Polis a risibí
notifikashon di un kaso di menasa ku arma i maltrato, ku ta tumando lugá den un
establesimentu riba Seru Loraweg.
Na yegada di e unidat polisial nan a tuma nota di algun persona ku tabata kore sali
for di den e establesimentu. Den e establesimentu nan a topa ku un dama basta
kònfüs ku un kuchú den man i tabata nenga di benta e arma abou.
Polis a intermedia i logra kalma e dama aki pa asina e por a entregá e kuchú na polis.
For di un investigashon a sali na kla ku e dama tabatin problema familiar ku su mama
i tabata menasá e mama ku morto. Tambe e sospechoso a maltratá su mama ku un
opheto duru na su kabes.
Na e sitio polis a detené e dama J.A.W.M., nasé na Kòrsou di 27 aña di edat, pa
menasa ku arma i maltrato.
A presentá e sospeschoso dilanti un fiskal ouksiliar ku a ordená su enkarselamentu
pendiente di mas investigashon.