Fundashon Pro Souax a reuní ku Obranan Públiko respekto asfaltamentu di  SOUAX

Fundashon Pro Souax a reuní ku Obranan Públiko respekto asfaltamentu di  SOUAX

 

Direktiva di Fundashon Pro Souax (FPS) djabièrnè 15 di novèmber último a reuní na Sentro di Bario Souax  ku funshonarionan diObranan Públiko i representantenan di e kompanianan Curacaose Wegenbouw Maatschappij i ALIANSA Civil & Roadworks. Durante e reunion aki FPS a risibí e grato notisia ku gobièrnu ta bai start e aña aki ainda ku e trabounan pa kaba di asfaltá kayanan den Souax Ost (Souax pariba) mientras ku den 2020 lo start ku e trabounan di preparashon pa loke ta asfaltamentu di e kayanan den Souax West (Souax pabou) . E trabounan aki lo ta na enkargo di Curacaose Wegenbouw Maatschappij i ALIANSA Civil & Roadworks.
Komo organisashon di bario Fundashon Pro Souax for di su lantamentu 21 aña pasá tin komo meta pa yuda alsa kalidat di bida den bario di Souax. Konsekuentemente Fundashon Pro Souax ta kontentu ku despues di años di petishon di habitantenan di Souax i organisashonnan di bario, ku a lo ménos un parti di Souax lo keda akomodá.
Direktiva di Fundashon Pro Souax ta hasi un apelashon riba habitantenan di Souax pa mas tantu posibel koperá pa e proyekto aki por bira un realidat. Ta un echo ku un proyekto asinaki lo por trese molèster kuné, sinembargo FPS ta pidi habitantenan pa karga ku esaki pa despues nos tur por disfrutá di e resultado positivo aki pa bario di Souax. Finalmente direktiva di Fundashon Pro Souax ta pidi habitantenan pa keda pendiente pa un reunion informativo pa bario ku e ministerio di VVRP (Tráfiko, Transporte i Planifikashon Urbano) lo tene próksimamente.

Riba e potrèt:
Direktiva di Fundashon Pro Souax na mesa den e reunion den kua funshonarionan di Obranan Públiko a informá e organisashon di bario di Souax ku den 2019 Curacaose Wegenbouw