Pronóstiko di tempu pa Kòrsou i bisindario bálido te djaluna atardi 18:00 o.l, 18 di novèmber 2019.

Pronóstiko

Pronóstiko di tempu pa Kòrsou i bisindario bálido te djaluna atardi 18:00 o.l, 18 di novèmber 2019.
Kompilá: djadumingu 17 di novèmber 2019, 17:00 o.l. (21:00 UTC).

Tempu: Shelu lo varia di tiki te parsialmente nublá ku wer por lo general seku.

Temperatura máksimo lo alkansá 32°C i temperatura mínimo di 25°C.
Solo ta sali 06:34 i ta baha 18:07 o.l.

Bientu: Prinsipalmente for di direkshon nortost i suak te moderá; forsa 2 te 3 (7 te 19 km/ora, 4 te 10 nudo). De bes en kuando ménos fuerte i for di un direkshon variá.

Situashon general: Airu stabil i ménos húmedo ta kubri nos área pa sobra di awe i tambe mayan, di manera ku esaki ta stroba desaroyo di nubianan signifikante i tambe redusí e posibilidat pa awa kai. No opstante esaki, awe tardi un ola tropikal ta move poko poko di ost pa wèst riba e region den ost Laman Karibe. Miéntras mas lat den kuminsamentu di siman e ola tropikal aki lo kreá mihó chènsnan pa áwaseru riba nos isla. Banda di esaki, un patronchi di preshon suak ta sigui produsí forsa di bientu basta suave riba nos isla durante e próksimo dianan.

Kondishon di laman: Trankil ku altura di olanan ménos ku 1 meter (3 pia).

Sistemanan signifikante di wer tropikal: Un disturbio riba e parti tropikal di Osean Atlántiko, ubiká ost di e islanan den nortost Karibe i ta move nortwèst, tin sierto potensial pa sigui desaroyá den un siklon durante e próksimo dianan.

Fenómeno spesial: Ningun.

Perspektiva te djamars atardi: De bes en kuando nubianan ta oumentá i awa lo kai spesialmente durante djamars mardugá i den dia.

Meteorólogo: Coffie