NOS SELEKSHON A KAI VENSÍ KONTRA COSTA RICA KU SKOR DI 2-1 PERO TA SUMAMENTE KONTENTU KU E GRAN APOYO DI NOS PUEBLO! DANKI KÒRSOU!

NOS SELEKSHON A KAI VENSÍ KONTRA COSTA RICA KU SKOR DI 2-1 PERO TA SUMAMENTE KONTENTU KU E GRAN APOYO DI NOS PUEBLO!

DANKI KÒRSOU!

 

Lamentabelmente nos selekshon a kai vensí ku skor di 2-1 kontra Costa Rica durante e último partido di e di 2 buèlta di Nations League. E partido aki tabata unu krusial pa nos selekshon su pase pa e parti final di e kampionato aki. Nos no a logra esaki i awor ta pendiente di e partido entre Haiti i Costa Rica di djadumingu aki pa wak kon nos lo posishoná nos mes riba e tabla di posishon.

E number un di nos grupo lo pasa pa e fase final di Nations League ku lo tuma lugá otro aña miéntras e pais ku keda na segundo puesto lo hunga Gold Cup 2021 i esun ku keda na terser puesto lo degradá bai Liga B di Nations League. 

 

Tabla di posishon grupo D:

 

		WH	WG	WE	WP	GF	GK	Saldo	Punto
1	Costa Rica	3	1	2	0	3	2	1	5
2	Kòrsou	4	1	2	1	3	3	0	5
3	Haiti	3	0	2	1	2	3	-1	2

 

Pues nos ta keda pendiente pa sa unda nos lo tèrminá riba e tabla di posishon di nos grupo.

 

Anta’yera nos por a mira un Stadion Ergilio Hato yen yen di fanatiko ku a bin pa animá nos selekshon nashonal. Esaki tabata algu sumamente grandi pa nos selekshon, pesei nos kier a gradisí un i tur ku a a bin stadion i a biba e momentu aki ku nos.

Kòrsou danki un biaha mas pa e tremendo sosten i apoyo brindá na nos selekshon!

 

16 novèmber 2019