Pronóstiko di tempu pa Kòrsou i bisindario bálido te djaweps mainta 06:00 o.l, 21 di novèmber 2019.
Pronóstiko
Pronóstiko di tempu pa Kòrsou i bisindario bálido te djaweps mainta 06:00 o.l, 21 di novèmber 2019.
Kompilá: djárason 20 di novèmber 2019, 05:00 o.l. (09:00 UTC).
Tempu: Shelu lo bira de bes en kuando hopi nublá ku lo kousa algun áwaseru lokal.
Temperatura máksimo lo alkansá 31°C i temperatura mínimo di 23°C.
Solo ta sali 06:35 i ta baha 18:07 o.l.
Bientu: Prinsipalmente for di direkshon sùitost i suak te moderá; forsa 2 te 4 (7 te 30 km/ora, 4 te 16 nudo). Den transkurso di djaweps ta ferwagt ku bientu lo bira un bes mas for di direkshon nortost.
Situashon general: Tormenta tropikal Sebastien ta situá djis nortost di islanan mas nort di laman Karibe i lo sòru pa bientunan por lo general suak riba nos region durante próksimo dianan. Durante djárason gradualmente humedat lo bai oumentá i esaki lo favoresé desaroyá di nubia ku por okashoná un yobida lokal. Mas aleu riba djaweps un atmósfera instabil den kombinashon di humedat relativamente mas haltu, lo inkrementá e posibilidat pa desaroyo di mas nubia ku por kousa un òf mas yobida riba i rondó di nos isla.
Kondishon di laman: Trankil ku altura di olanan ménos ku 1 meter (3 pia).
Sistemanan signifikante di wer tropikal: Tormenta tropikal Sebastien ta kontinuá den direkshon por lo general nort, alehando for di e islanan nortost di Karibe. E tormenta aki no lo forma un menasa pa Kòrsou.
Fenómeno spesial: Ningun.
Perspektiva te djabièrnè mainta: Shelu lo ta en general parsialmente nublá, temporalmente hopi nublá i ku momentunan di algun áwaseru.
Meteorólogo: Correa.