Hóbennan di St.Rosa i tambe grupo Orirí e aña aki atrobe ta limpia rotònde di Santa Rosa

Hóbennan di St.Rosa i tambe grupo Orirí e aña aki atrobe ta limpia rotònde di Santa Rosa

WILLEMSTAD- Algun hóben ehemplar for di nan propio inisiativa a tuma den nan man pa por lo ménos un biaha pa aña limpia e rotònde den nan bario, i e fin di aña aki no ta un eksepshon.

Djasabra 23 di novèmber 2019 for di 8 or di mainta vários hóben habitante di e bario di Santa Rosa i bisindario i tambe e hóbennan di Orirí, lo ta aktivo riba e rotònde di Santa Rosa. E meta ta pa limpia e rotònde komo muestra di ehèmpel na komunidat ku abitantenan mes por yuda tene nan bisindario limpi i bunita. Mas aleu e proyekto aki ta duna espasio na señora Janice Welhouse i su tim ku tambe riba propio inisiativa a tuma enkargo pa dòrna e rotònde den esfera di fiesta di Pasku i ambiente di fin di aña. Ya kaba por mira un palu derá den sentro di e rotònde ku ta forma base di e dekorashonnan. Un danki na staf i pèrsonal di Aqualectra pa nan koperashon pa ku e palu aki.

Pues djasabra 23 di novèmber 2019 próksimo, gustosamente e hóbennan aki ta pidi indulgensia di outomobilistanan pa tene kuenta ku nan i duna nan e apoyo nesesario pa asina nan por limpia e rotònde kompletu. Un danki di antemano na pueblo di Kòrsou kompleto pa e koperashon i sosten.

This site uses Akismet to reduce spam. Learn how your comment data is processed.

error: Content is protected !!
%d bloggers like this: