Advertisements

Inskripshon ofisial di kandidatonan pa elekshonnan karnaval 2020

Inskripshon ofisial di kandidatonan pa elekshonnan karnaval 2020

Fundashon JAG tabatin su inskripshon ofisial awe 24 di novèmber 2019 na Curaҫao Festival Center.

Na un manera kreativo i karnavalesko kandidatonan pa reina, prins i pancho hubenil, rei i reina tiner, reina, prins i pancho adulto a ofisialisá nan partisipashon na e elekshonnan ku lo tuma lugá riba e dianan 24, 25 i 26 di januari 2020.

Tambe prensa tabatin e oportunidat pa sera konosí ku nos tumberonan di futuro kendenan ta bai partisipá dia 18 di januari 2020 na e di 40 edishon festival di tumba Hubenil.

Tabata un atardi yen di sorpresa agradabel karnavalesko i di hopi alegría bou di e partisipantenan.

 

Resultado di inskripshon

Pa e elekshon hubenil a inskribí:
diez(10) kandidata pa reina,
Sèis(6)duo pa prins i pancho,

Pa e elekshon di rei i reina tiner a inskribí:
ocho(8) duo,


Pa elekshon di reina, prins i pancho adulto a inskribí           :
ocho(8) kandidata pa reina,
sèis(6) duo pa prins i pancho,

Pa festival di tumba hubenil 23 hoben a inskribí. Despues di un oudishon 12 hoben a pasa pa e final ku lo tuma lugá dia 18 januari 2020.

Fundashon JAG ta mira bèk riba un atardi di inskripshon éksitoso i manera e ta mustra, kompetensia lo ta fuertísimo pa loke ta trata konkista di e koronanan pa enkabesá e di 50 edishon karnaval Kòrsou.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: