Entretenimentu di Benjamin Emanuel, Aisha Lucas, Naomi’s Crew, Gilmar Fraites i mas! Ambiente di Pasku na Renaissance Curaçao Resort!

Entretenimentu di Benjamin Emanuel, Aisha Lucas, Naomi’s Crew, Gilmar Fraites i mas!

Ambiente di Pasku na Renaissance Curaçao Resort!

 

WILLEMSTAD –  NOV 2019/ Preparashonnan a kuminsá pa selebrashon di Pasku na Renaissance Curaçao Resort. Tin diferente opshon kulinario pa selebrá Pasku mainta, mèrdia i anochi inkluyendo entretenimentu bibu i diferente ambiente tantu pa un sena privá, un almuerso ku henter famia òf un selebrashon korporativo ku koleganan òf kliente. E ambiente navideño lo kuminsá for di 21 di novèmber awó ku sendementu di lus i dekorashon na Renaissance Curaçao, i tambe lo kuminsá ofresé e Holiday Season Lunch Buffet den Nautilus. Ya for di 10 di desèmber por kuminsa disfrutá di platonan navideño, esaki pa lunch i dinner. For di 15 di desèmber pa 5 di yanüari lo ofresé tambe e fenomenal Sunday Holiday Brunch den Nautilus.

 

Selebrá Noche Buena, Pasku i Boxing Day

Nautilus Restaurant su Noche Buena riba dia 24 di desèmber lo resultá den un anochi espektakular! Renaissance Curaçao Resort ta invitabo selebrá Noche Buena na Nautilus Restaurant ku un bufèt ku diferente delisia navideño pa $70 p.p inkluyendo 15% di kargo di servisio i impuesto, un ‘welcome drink’, limonada i djus ilimitá. Pa e anochi spesial aki tin entretenimentu bibu di Naomi’s Crew & Yentje.  

 

Dia 25 di desèmber, Nautilus lo tin su tradishonal brùnch ku entretenimentu di Aisha Lucas & Piano. Konsiderando ku Renaissance Curaçao Resort ta é faborito di tur famia, lo tin un Christmas Brunch Buffet den Atrium ku entretenimentu di Elton Lispier. Tambe, lo tin un Christmas Dinner Buffet tambe ku entretenimentu di Benjamin Emanuel den Atrium. Riba e di dos dia di Pasku, 26 di desèmber tin e popular ‘Boxing Day Brunch Buffet’ ku Naomi’s Crew & Yentje i parti anochi e ‘Dinner Buffet’ ku entretenimentu di Gilmar Fraites. Tur preis ta inkluí 15% di kargo di servisio i impuesto, un ‘welcome drink’, limonada i djus ilimitá. 

 

Tantu Nautilus, Atrium i Infinity Beach Club lo ta den ambiente festivo e aña aki pa akomodá tur bishitante. Ta importante pa hasi reservashon pa kada brùnch òf sena yamando Nautilus na 435 5034, Atrium na 435 5037 òf email nautilus@curacaorenaissance.com. Pa detaye di preis por yama of bishitá página di facebook di Renaissance Curaçao. 

This site uses Akismet to reduce spam. Learn how your comment data is processed.

error: Content is protected !!
%d bloggers like this: