Wardakosta ta interseptá boto ku 42 indokumentado

Wardakosta ta interseptá boto ku 42 indokumentado

Djadumingu anochi Wardakosta a interseptá un boto ku 42 persona indokumentá ku kier a yega
tera. Tabata na momentu ku Wardakosta su avion Dash 8 tabata bula un patruya den awanan
teritorial di Kòrsou ku a nota un boto sospechoso ku tabata nabega direkshon di Kòrsou. E
Sentro di Reskate i Kordinashon a manda un patruya ku Metal Shark pa bai kontrolá e boto. Na
yegada a enkontrá 42 persona na bordo di un lancha. E avion Dash a nota ku for di e boto a tira
un opheto kual a hasi un buskeda riba dje, pero no a logra haña e opheto aki mas. Tur e 42
personan, di kual 29 tabata hende hòmber i 13 hende muhé a ser detené i entregá na polis pa
sigui ku mas investigashon.