Pronóstiko di tempu pa Kòrsou i bisindario bálido te djamars atardi 18:00 o.l, 3 di desèmber 2019.

Pronóstiko

Pronóstiko di tempu pa Kòrsou i bisindario bálido te djamars atardi 18:00 o.l, 3 di desèmber 2019.
Kompilá: djaluna 2 di desèmber 2019, 17:00 o.l. (21:00 UTC).

KÓDIGO HEL: .PREKOUSHON PA LAMAN BRUTU.

Tempu: Shelu ta parsialmente te tiki nublá ku wer seku durante awe tardi i anochi. Djamars den mainta tin chèns pa un tiki awa kai lokalmente.

Temperatura máksimo lo alkansá 32°C i temperatura mínimo di 26°C.
Solo ta sali 06:42 i ta baha 18:09 o.l.

Bientu: Direkshon por lo general ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: Un disturbio ku e área di nubia asosiá kuné a krusa nos region di ost pa wèst awe mainta tempran i kousa áwaseru riba diferente lugá di e isla. E kantidat di áwaseru akumulá ku a kai prinsipalmente awe mainta ta varia entre 2 mm na Savonet i 24 mm na Serí Kokori. Awor, un wer seku lo prevalesé riba nos isla durante e próksimo un te dos dia. Tambe ta antisipá ku e laman pafó di nos kostanan prinsipalmente na nort lo sigui un poko brutu pa e promé parti di e siman aki.

Kondishon di laman: Moderá te basta brutu ku altura di olanan entre 1 i 2.5 meter (3 te 8 pia).  E olanan di mas haltu lo ta den resake riba laman na kostanan nort di e isla.

Fenómeno spesial: Ningun.

Perspektiva te djárason atardi: Parsialmente nublá ku wer por lo general seku.

Meteorólogo: Coffie