Orario adaptá di Outoridat di Aviashon Sivil di Kòrsou (CCAA)
Orario adaptá di Outoridat di Aviashon Sivil di Kòrsou (CCAA)
Willemstad – Djaweps 5 di desèmber ofisina di Outoridat di Aviashon Sivil di Kòrsou (CCAA) lo ta sera pa públiko. Riba djabièrnè 6 di desèmber e ofisina ta habri solamente parti mainta di 8or pa 12or di mèrdia. E ofisina ta situá na Kaya Afido z/n riba Seru di Mahuma.
Esaki ta relashoná ku diferente aktividat den kuadro di Dia Internashonal di Aviashon Sivil. E aña aki dia 7 di desèmber ta konmemorá ku 75 aña pasa 54 pais a reuní den na Chicago, riba invitashon di Merka i a firma e Konvenio di Aviashon Sivil, e asina yama Konvenio di Chicago.
CCAA ta gradisí komunidat pa e koperashon i komprenshon. CCAA ta habri bek djaluna 9 di desèmber 8or di mainta.
