KÓDIGO HEL: PREKOUSHON PA LAMAN BRUTU. Pronóstiko di tempu pa Kòrsou i bisindario bálido te djabièrnè mainta 6:00 o.l, 6 di desèmber 2019.

Pronóstiko

Pronóstiko di tempu pa Kòrsou i bisindario bálido te djabièrnè mainta 6:00 o.l, 6 di desèmber 2019.
Kompilá: 
djaweps 5 di desèmber 2019, 05:00 o.l. (09:00 UTC).

KÓDIGO HEL: PREKOUSHON PA LAMAN BRUTU.

Tempu: Despues di algun áwaseru lokal i pasahero den oranan trempan di mainta, un wer seku lo prevalesé. Durante di djabièrnè mainta un bes mas tin chèns pa un áwaseru lokal.

Temperatura máksimo lo alkansá 32°C i temperatura mínimo di 27°C.
Solo ta sali 06:43 i ta baha 18:10 o.l.

Bientu: Direkshon por lo general ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: Durante awe no ta antisipá muchu kambio den e tempu di último dianan. Pa e motibu aki un wer por lo general seku lo kontinuá den nos region. Djabièrnè mainta tempran sinembargo tin algu mas humedat na nivelnan abou di atmósfera ku por desaroyá algun nubia for di kua por kai un áwaseru riba sierto parti di Kòrsou. Mas aleu, ta antisipá ku e resake na kosta nort lo mengua awe durante di dia. Sinembargo por spera olanan un poko brutu kousa dor di bientu, ku lo afektá prinsipalmente e laman habri nort di e islanan ABC.

Kondishon di laman: Moderá te basta brutu ku altura di olanan entre 1 i 2 meter (3 te 6 pia).  E olanan di mas haltu lo ta na kosta ost i nort di e isla i ku por yega te 2.5 meter  (8 pia).

Fenómeno spesial: Ningun.

Perspektiva te djasabra mainta: Parsialmente nublá i no ta antisipá áwaseru signifikante.

Meteorólogo: Correa

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: