Detenshon pa menasa i destrukshon.

KOMUNIKADO DI PRENSA 508 / 2019
8 desèmber 2019
Detenshon pa menasa i destrukshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 7 di desèmber 2019 alrededor di 16.40’or, polis a detené un hòmber pa menasa i
destrukshon.
Sentral di Polis a dirigí un unidat pa un kas den Wishi, unda un hòmber lo mester a kòrta su
man.
For di investigashon a sali na kla, ku e hòmber sospechoso aki, L.B.H. nase na Kòrsou di 65
aña di edat tabatin un problema ku su ruman hòmber i otro miembronan di famia ku ta
biba na e kas ei.
Dado momentu, e hòmber aki a rabia i kibra un stul ku tabata den balkon i tambe e porta di
glas dilanti di e kas.
Tambe el a menasá abitantenan di e kas ei.
Polis a detené e hòmber aki na e sitio i a present’é dilanti di un fiskal ouksiliar, ku a ordená
su enkarselamentu, pendiente di mas investigashon.

 

This site uses Akismet to reduce spam. Learn how your comment data is processed.

%d bloggers like this: