Detenshon pa maltrato ku arma.

KOMUNIKADO DI PRENSA 507 / 2019
8 desèmber 2019
Detenshon pa maltrato ku arma.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 8 di desèmber 2019 alrededor di 04.15’or, Sentral di Polis a dirigí un unidat di
polis pa Cabo Verdeweg, unda un hòmber a splika polis di un bringamentu ku tabatin den
Esmeraldaweg i den kua tin un hòmber heridá.
E unidat ku a yega na e sitio i ku despues a bai Esmeraldaweg, a bin topa un hòmber ku
herida na su kabes i tabata sangra bastante.
Ambulans ku a yega na e sitio, a transportá e víktima pa C.M.C.
For di investigashon a sali na kla, ku tabatin un diskushon entre un grupo di persona i esaki
a terminá den un bringamentu, unda e hòmber sospechoso F.A.A. nase na Kòrsou di 16
aña di edat, a maltratá e víktima ku un palu diki na su kabes.
E sospechoso ku ainda tabata na e sitio, a keda detené pa maltrato ku arma i presentá
dilanti di un fiskal ouksiliar, ku a ordená su enkarselamentu pendiente di mas investigashon