Kámara di Komersio: kresementu ekonómiko mester kontribuí na un ekonomia mas fuerte i mas diversifiká pa logra resultadonan ku nos ke

Kompas Desaroyo Kòrsou 2035 ta ofresé un direkshon pa invershon, emprendementu i desaroyo ekonómiko

WILLEMSTAD, 15 di òktober 2026 – Kòrsou mester probechá e kresementu ekonómiko aktual pa konstruí un ekonomia mas fuerte, mas diversifiká i mas resistente. Esaki tabata e mensahe sentral di presidente di Kámara di Komersio i Industria di Kòrsou durante e Business Mixer. Na e okashon aki, Kámara a presentá su Kompas Desaroyo Kòrsou 2035 komo un kuadro di referensia pa evaluá oportunidatnan ekonómiko, invershonnan i inisiativanan di polítika den un manera mas integral.

“Tin un diferensia entre kresementu ekonómiko i desaroyo ekonómiko. Kresementu ta mustra nos kon grandi nos ekonomia ta bira. Desaroyo ta mustra nos ki tipo di ekonomia nos ta konstrui”, segun presidente di Kámara.

Kámara ta enfatisá ku turismo ta keda un di e pilarnan importante di ekonomia di Kòrsou. Na mes momentu, Kòrsou mester saka mas balor ekonómiko for di e kresementu aki, entre otro dor di fortalesé e kadenanan lokal di suministro, oumentá produktividat i desaroyá aktividatnan ekonómiko nobo.

E sifranan di Registro di Komersio ta ilustrá dikon un bista mas amplio ta nesesario. Durante e promé nuebe lunanan di 2026, a registrá mas ku 3.400 empresa nobo, un oumento di mas o ménos 38 porshento kompará ku e mesun periodo di 2025. Sin embargo, na final di sèptèmber, e kantidat di empresanan aktivo registrá tabata mas o ménos 5 porshento mas abou ku un aña promé. Kámara ta enfatisá ku ta nesesario pa investigá mas aleu pa por splika e desaroyo aki.

Kompas Desaroyo Kòrsou 2035  komo kuadro di referensia pa duna direkshon

Kompas Desaroyo Kòrsou 2035 ta komprendé sinku transishon ku ta konektá ku otro: ekonomia, talento, resistensia, inovashon i implementashon. E no ta un plan di polítika detayá, sino un kuadro di referensia pa evaluá kon inisiativanan i invershonnan ta kontribuí na e desaroyo deseá pa Kòrsou. E ta duna sosten na determiná ki direkshon nos ke of te hasta mester kue pa yega na e resultadonan ku nos ke.

Kámara mes ta trahando riba dos inisiativa konkreto. Ku e BedrijfsKompas Curaçao ku ta den fase di desaroyo, Kámara ke hasi mihó uso di datonan di Registro di Komersio pa análisis ekonómiko i asesoramentu. Ademas, Kámara a laga elaborá un proposishon di polítika pa krea un tereno fiskal mas pareu pa empresarionan independiente ku ta kumpli ku sierto kondishonnan. Durante e promé nuebe lunanan di 2026, a registrá kasi 2.400 empresa individual nobo, un oumento di mas ku 66 porshento kompará ku un aña promé.

Stimulá invershonnan di manera mas dirigí

Presidente di Kámara a planteá tambe e pregunta si no ta nesesario pa apliká e estímulonan fiskal pa invershon, inkluyendo tax holidays, di manera mas selektivo. Den e evaluashon aki, no solamente e montante di un invershon mester konta, sino prinsipalmente su kontribushon na diversifikashon ekonómiko, produktividat i inovashon.

Oportunidatnan por eksistí, entre otro, den infrastruktura digital, inteligensia artifisial, servisio marítimo avansá, energia renovabel i produkshon inovativo di kuminda. Tambe e área di Schottegat por ofresé oportunidatnan ekonómiko nobo for di e perspektiva aki.

Kámara ta enfatisá ku gobièrnu tin un papel importante den kreashon di e kondishonnan adekuá i fasilitashon di invershonnan i dirigí esakinan den e direkshon di resultadonan ku nos ke yega n’e. Sinembargo, finalmente ta e empresarionan ku mester transformá oportunidatnan den aktividat empresarial, oportunidatnan di trabou i balor ekonómiko.

E pregunta sentral no ta solamente kuantu ekonomia di Kòrsou ta krese, sino prinsipalmente kiko nos isla ta logra konstruí ku e kresementu ei.

 

---

 

 

Kamer van Koophandel: economische groei moet leiden tot een sterkere en meer diverse economie voor de resultaten die wij willen bereiken

Wensbeeld Curaçao 2035 biedt richting voor investeringen, ondernemerschap en economische ontwikkeling. 

WILLEMSTAD, 15 oktober 2026 – Curaçao moet de huidige economische groei benutten om een sterkere, meer diverse en veerkrachtige economie op te bouwen. Dat was de centrale boodschap van de voorzitter van de Kamer van Koophandel tijdens de Business Mixer. Daarbij presenteerde de Kamer haar Wensbeeld Curaçao 2035 als een kompas en kader om economische kansen, investeringen en beleidsinitiatieven meer in samenhang te beoordelen.

“Er is een verschil tussen economische groei en economische ontwikkeling. Groei vertelt ons hoeveel groter onze economie wordt. Ontwikkeling vertelt ons wat voor economie we aan het opbouwen zijn”, aldus de voorzitter.

De Kamer benadrukt dat toerisme een belangrijke economische pijler blijft. Tegelijkertijd moet Curaçao meer economische waarde halen uit groei, onder meer door sterkere lokale toeleveringsketens, hogere productiviteit en de ontwikkeling van nieuwe activiteiten.

De cijfers van het Handelsregister illustreren waarom een bredere blik nodig is. In de eerste negen maanden van 2026 werden ruim 3.400 nieuwe ondernemingen ingeschreven, circa 38 procent meer dan een jaar eerder. Het aantal actieve geregistreerde ondernemingen lag per eind september ongeveer 5 procent lager. De Kamer benadrukt dat nader onderzoek nodig is om deze ontwikkeling te verklaren.

Wensbeeld als richtinggevend kader

Het Wensbeeld Curaçao 2035 omvat vijf samenhangende transities: economie, talent, veerkracht, innovatie en implementatie. Het is geen gedetailleerd beleidsplan, maar een kompas en kader om initiatieven en investeringen te beoordelen op hun bijdrage aan de gewenste ontwikkeling van Curaçao.

 

De Kamer werkt zelf aan twee concrete initiatieven. Met het beoogde BedrijfsKompas Curaçao wil zij gegevens uit het Handelsregister beter benutten voor economische analyses en advisering. Daarnaast heeft de Kamer een beleidsvoorstel laten uitwerken voor een gelijker fiscaal speelveld voor kwalificerende zelfstandige ondernemers. In de eerste negen maanden van 2026 werden bijna 2.400 nieuwe eenmanszaken geregistreerd, ruim 66 procent meer dan een jaar eerder.

Gerichter stimuleren van investeringen 

De voorzitter stelde ook de vraag of fiscale investeringsstimulansen, waaronder tax holidays, niet selectiever moeten worden ingezet. Daarbij zou niet alleen de omvang van een investering moeten tellen, maar vooral de bijdrage aan economische diversificatie, productiviteit en innovatie.

Mogelijke kansen liggen onder meer in digitale infrastructuur, kunstmatige intelligentie, geavanceerde maritieme dienstverlening, duurzame energie en innovatieve voedselproductie. Ook het Schottegat-gebied kan vanuit dit perspectief nieuwe economische mogelijkheden bieden.

De Kamer onderstreept dat de overheid een belangrijke faciliterende rol heeft en via publieke governance hieraan sturing moet geven in de richting die de gewenste resultaten op moet leveren, maar dat het uiteindelijk aan ondernemers is om kansen om te zetten in bedrijvigheid, werkgelegenheid en economische waarde.

De centrale vraag is niet alleen hoeveel de economie van Curaçao groeit, maar vooral wat het eiland met die groei weet op te bouwen.