Polis a detené un sospechoso den un boto riba laman en konekshon ku e investigashon den e kaso di lòsmentu di bala riba outo di un agente polisial.

Kralendijk, Bonaire. Djasabra 17 di òktober, alrededor di 3.30 or di atardi polis a detené un sospechoso den un boto riba laman en konekshon ku e investigashon den e kaso di lòsmentu di bala riba outo di un agente polisial. E detenshon a tuma lugá ku sosten di Wardakosta.

Ta trata di un dama di inisial S.I.W. di 20 aña di edat. Anteriormente riba 4 di mart a detené e sospechoso pa maltrado di un agente polisial na Waf di Piskado.

Investigashon den e kaso ta kontinuá.

KPCN ta pidi un i tur ku por a mira, skucha òf tin mas informashon relevante pa e kaso aki pa yama 715-8000 òf e liña di tep anónimo 9310.