‘Scol Saludabel Aruba hopi satisfecho cu resultado di e siman di Training’

‘Scol Saludabel Aruba hopi satisfecho cu resultado di e siman di Training’

 

ORANJESTAD, Aruba –10 december 2019: Grupo di trabou Scol Saludabel Aruba ta hopi satisfecho cu e resultado di un siman intensivo di training cu a tuma lugar di 25 pa 29 di november. 

Dos profesional di Scol Saludabel di Hulanda, señora Monique Boonekamp y señora Muriel Weltens, a bin Aruba pa un bishita di trabou y duna diferente training. E siman tawata encera e.o. un bishita informativo na e tres ministernan y departamentonan concerni. Un total di 16 participante di 8 scol preparatorio y basico, a sigui e curso pa ‘Coordinador di Scol Saludabel’. E scolnan aki a inscribi nan mes y a cuminsa e proceso pa bira un Scol Saludabel. Ta trata aki di Paulus School, St. Dominicus College, Prinses Amalia Basisschool, St. Franciscus College, Mon Plaisir School ( preparatorio y basico), Scol Primario Kudawecha y Cacique Macuarima School. A tuma lugar tambe e training pa ‘Consehero di Scol Saludabel’. Akinan un total di 18 participante di diferente organisacionnan gubernamental y no gubernamental cu ta traha directamente cu scol, a sigui e training. E actividadnan di e siman a inclui tambe un bishita na diferente scol cu ta den e proceso pa bira un Scol Saludabel. 

Scol Saludabel Aruba kier gradici Ministerio y Departamento di Salud Publico pa nan apoyo pa por a realisa e bishita di trabou y training. Ademas Scol Saludabel Aruba kier grandici Ministerio di Asunto Social y Labor y Ministerio di Enseñansa, Ciencia y Desaroyo Sostenibel pa nan apoyo y sosten.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: