Depositonan Girobank NV garantisá te NAf 10.000

Depositonan Girobank NV garantisá te NAf 10.000

Willemstad/Philipsburg – Banko Sentral di Kòrsou i Sint Maarten (CBCS) a fris operashonnan di
Girobank NV awe debí na e intrankilidat ku a surgi en relashon ku Girobank NV.
Esaki ta enserá ku na e momentu aki transakshonnan ku òf via Girobank no por tuma lugá.
Motibu pa esaki ta ku téknikamente Girobank no por a akapara e oumentu di lantamentu di plaka, i
ku e lantamentu di plaka aki ta pone un preshon riba likidesnan di Giro.
A tuma e medida aki na interes di klientenan. CBCS ta partisipá ku kada kliente di Girobank lo
disponé di su fondonan te un suma máksimo di NAf. 10.000. Ku esaki, mas ku 90% di e klientenan
lo disponé di nan saldo kompletu. Esaki ta konforme stándartnan internashonal pa garantia di
depósito.
Pa informá públiko i klientenan di Girobank NV, CBCS lo tene un rueda di prensa mañan mainta
10.00 pa mas splikashon.

Willemstad, 10 desèmber 2019

Banko Sentral di Kòrsou i St. Maarten.

 

This site uses Akismet to reduce spam. Learn how your comment data is processed.

%d bloggers like this: