E DI 69 SERTAMEN DI “MISS WORLD 2019” TA TUMA LUGA DJASABRA 14 DI DECEMBER PROKSIMO.

E DI 69 SERTAMEN DI “MISS WORLD 2019” TA TUMA LUGA DJASABRA 14 DI DECEMBER PROKSIMO.

 

Despues di un luna karga ku hopi aktividat kultural, sosial i tambe edukativo, e organishon di Miss World ta bai elegi e di 69 beyesa mundial. 

E sertamen final di “Miss World 2019 ” ta tuma lugá djasabra 14 di december proksimo den “Excel Arena” na London, Inglatera kaminda Vanessa Ponce de Leon’s “Miss World 2018” lo korona su susesora. 

 

E sertamen di Miss World ta muchu mas ku simplemente un kompetensia di beyesa fisiko. E organisashon di Miss World tin un formula diferente pa skohe mundu su representante di beyesa.

Durante nan estadia na Inglatera, e 112 beyesanan mundial a partisipa na  kompetensia di “Miss World Multimedia” “Miss World Sport Woman” “Miss World Talent” “Miss World Top Model” “Miss World Head to Head Challenge” i “Miss World Beauty With A Purpose”. Ganado di kada un di e kompetensia nan aki lo pasa outomatikamente pa e semifinal durante e anochi di koronashon.

E dama ku djasabra proksimo keda korona komo e beyesa mundial, lo tin e tarea pa un aña largu biaha rond mundu pa hiba e mensahe kual e organisashon di Miss World ta para pe. 

 

Kòrsou su representante na e sertamen di “Miss World 2019” ta nos flamante “Miss World Curaçao 2019” señorita Sharon Meijer kende ta hasiendo un trabou fantastiko aya na London.

ReProD(Reinilla Project Development) na nomber di henter pueblo di Kòrsou ta desea Sharon tur klase di éksito i nos ta konvensí ku djasabra Sharon lo sa di saka kara di su dushi Isla Kòrsou.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: