Adultonan Mayor   di Souax  a sera aña den un ambiente festivo na Sentro di bario Souax   

Adultonan Mayor   di Souax  a sera aña den un ambiente festivo na Sentro di bario Souax

Ya pa 6 aña Fundashon Pro Souax ta organisá riba e promé djaweps di luna na Sentro di bario Souax un mainta di enkuentro pa adultonan mayor di Souax i bisindario. Ta trata di un aktividat di formashon, informashon i distraishon kaminda e kontenido di kada enkuentro ta un sorpresa pa e partisipantenan. Resientemente tabatin e último enkuentro pa aña 2019.  Na e okashon aki direktiva di Fundashon Pro Souax a sorprendé e grupo di 60+ di Souax ku un tremendo selebrashon di fin di aña. Durante e programa presidente di Fundashon Pro Souax, sr. Juny Sluis a para ketu na e trabounan di Fundashon Pro Souax i tambe plannan pa futuro. Tambe tabatin presentashon di Maranatha Choir di Eddy Mar ku huntu ku miembronan di e kor, sra. Roseline Lourens i sra. Sonia Zimmerman a trese un variashon di piesanan konosí ku a hinka un i tur den e ambiente di fin di aña. Na yanüari próksimo e grupo di adultonan mayor di Souax i bisindario lo ta huntu atrobe pa nan siguiente enkuentro

Riba e fotonan  un bista di e ambiente  durante e selebrashon di fin di aña ku adultonan mayor di Souax  na Sentro di bario Souax

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: