KÓDIGO HEL: .UN MENSAHE DI PREKOUSHON PA LAMAN BRUTU. Pronóstiko di tempu pa Kòrsou i bisindario bálido te djaweps mainta 06:00 o.l, 19 di desèmber 2019.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l, 19 di desèmber 2019.
Kompilá: djarason 18 di desèmber 2019. 05:00 o.l. (09:00 UTC).

KÓDIGO HEL: .UN MENSAHE DI PREKOUSHON PA LAMAN BRUTU.

Tempu: Leve te parsialmente nublá i generalmente seku.

Temperatura máksimo lo alkansá 31°C i temperatura mínimo di 26°C.
Solo ta sali 06:50 i ta baha 18:14 o.l.

Bientu: Direkshonnan entre ost i sùitost i basta fuerte te fuerte; forsa 5 te 6 (31 te 50 km/ora, 17 te 27 nudo). Prinsipalmente riba djárason, de bes en kuando duru den ráfaga; forsa 7 (51 te 61 km/ora, 28 te 33 nudo).

Situashon general: Un sistema basta fuerte di preshon haltu nort di Karibe ta sòru pa un diferensia grandi den e preshon di airu riba nos region. Esaki ta resultá den un régimen di bientu duru riba Kòrsou i su bisindario durante e próksimo dianan. Dor di esaki, e kondishon di laman lo bira ta brutu. Di otro un banda, un tempu generalmente seku lo prevalesé dor di un airu seku ku a drenta nos region.

Kondishon di laman: Moderá te basta brutu ku altura di olanan entre 1.5 i 2.5 meter (5 te 8 pia).

Fenómeno spesial: Ningun.

Perspektiva te djabièrnè mainta: Parsialmente nublá ku chèns pa un áwaseru lokal.

Meteorólogo: Figueroa