TORNEO HUBENIL ENTRE KÒRSOU I ARUBA DIANAN 19, 20 I 21 DI DEZÈMBER 2019
TORNEO HUBENIL ENTRE KÒRSOU I ARUBA DIANAN 19, 20 I 21 DI DEZÈMBER 2019
Den wikènt binidero lo tin un torneo hubenil di kategoria U-13 entre Aruba i Kòrsou. Esaki ta un inisiativa di nos ‘hermana’ isla Aruba ku kier a hunga algun wega amistoso kontra nos.
Ku brasa habrí nos a aseptá e torneo aki ku na mes momentu nos lo usa komo preparashon pa e torneo internashonal Aruba Himno i Bandera ku lo tuma lugá na mart 2020 na Aruba.
E partidonan aki lo tuma lugá riba dianan 19, 20 i 21 di dezèmber 2019 di 4’or di atardi pa 7’or di anochi na tereno di Vesta i Stadion Dr. Antoine Maduro. Aruba lo partisipá ku 2 selekshon di U-13 miéntras Kòrsou lo kompetí ku nos 2 timnan di ‘Diamond’ i un di ‘Elite Team’.
Tur nos selekshonnan lo wòrdu dirihí pa e kuerpo tékniko di tantu ‘Diamond’ komo ‘Elite Team’.
Skema di e torneo:
Fecha | Orario | Tim di Kas | Bishitante | Tereno/Stadion |
19-12-2019 | 16:30-17:30 PM | Diamond 2007 | Aruba | Vesta |
18:00-19:00 PM | Diamond 2008 | Aruba | ||
20-12-2019 | 16:30-17:30 PM | Elite Team | Aruba | Vesta |
18:00-19:00 PM | Diamond 2007 | Aruba | ||
21-12-2019 | 16:30-17:30 PM | Diamond 2008 | Aruba | Dr. Antoine Maduro |
18:00-19:00 PM | Elite Team | Aruba |
Tur dia lo tin 2 enkuentro i promé ku kada wega lo tin un ‘warm-up’ di mei ora.
FFK ta invitá hinter pueblo di Kòrsou pa bin apoyá nos muchanan di kategoria U-13 durante e torneo amistoso kontra Aruba aki.
Kòrda ku tur e weganan aki ta grátis!
18 dezèmber 2019