Medidanan di seguridat i òrdu públiko den kuadro di kambio di aña.
KOMUNIKADO DI PRENSA 537 / 2019
29 desèmber 2019
Medidanan di seguridat i òrdu públiko den kuadro di kambio di aña.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Riba djamars 31 di desèmber próksimo entre 23.00 or (di anochi) te ku djárason pròme di
yanüari 2020 pa 01.00 or di mardugá, polis ta tuma e siguiente medidanan pa garantisá
seguridat i òrdu públiko na e brugnan Juliana i Emma:
Polis lo sera brug Juliana pa vehíkulo motorisá tantu den direkshon di Salinja
komo den direkshon di Ser’i Domi.
Solamente e servisionan ku ta duna asistensia/yudansa di urgensia esta; Polis,
Brantwer i Ambulans ta keda ku aseso liber riba brug Juliana durante di e
orarionan ariba menshoná.
E sigueinte medidanan ta keda tumá riba Emmabrug:
Ta hasi uso di Emmabrug únikamente pa peaton (hende na pia) pa krusa di
Otrobanda pa Punda i Punda pa Otrobanda; no ta permití uso di e brug pa
ningun otro propósito;
Ta terminantemente prohibí pa trese stul, mesa i nada por estilo riba brug;
Ta terminantemente prohibí pa grill riba brug;
Polis ta supliká un i tur pa tuma bon nota di e medidanan aki.
