Dos dia di Pasku, 26 di Desèmber 2019 alrededor di 10or di mainta unidat di Brandweer di Barber a risibí notifikashon ku na Seru Kristòf un persona lo mester a fraktura su pia.

Dos dia di Pasku, 26 di Desèmber 2019 alrededor di 10or di mainta unidat di Brandweer di Barber a risibí notifikashon ku na Seru Kristòf un persona lo mester a fraktura su pia. Mesora nos bomberonan na warda a bai i a subi seru pa yuda ku e reskate di sr. Kruiver. Alrededor di 3or di mèrdia nos bomberonan a logra trese sr. Kruiver abou i a duna paramedikonan di FKA pa por a dune asistensia mediko nesesario. Den e relato sr. Kruiver mes ta relatá su eksperiensia.

Di parti di Brantwer Kòrsou nos kier a yama danki na sr. Kruiver pa e artikulo den korant lokal aki. Pero tambe Brantwer kier a pone “in het zonnetje” nos ploeg 2 ku nos bomberonan di e dia ey Entony Zinhagel, Roderick Isenia, Enmanuel Baeta Rodriguez, Gerrel Malacia i Rogemy Leonora pa e tremendo trabou aki. Danki na e bon trabou na boso i tur demas kolega ku durante aña 2019 a sa di desplegá un TREMENDO trabou pa nos komunidat.