Kaso di tiramentu ku morto, konstatá morto di e hòmber Jahier Rudolph Evertsz.

KOMUNIKADO DI PRENSA 008 / 2020
6 yanüari 2020
Kaso di tiramentu ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaluna 6 di yanüari 2020 alrededor di 19.24 or, Sentral di Polis a risibí informashon ku den Kaya Neblina tin un kaso di tiramentu i ku tin un hòmber gravemente heridá.
Mesora a dirigí algun unidat na e sitio i na yegada di e promé unidat, el a topa ku un hòmber drumi abou den situashon kritiko ku diferente herida di bala na e parti ariba di su kurpa.
A pidi presensia di ambulans, pero e personal, no por a hasi nada mas pa e víktima.
Dòkter di polis ku tambe a yega na e sitio, a konstatá morto di e hòmber Jahier Rudolph Evertsz, nase na Kòrsou dia 13 di yanüari 1990.
For di investigashon preliminar a sali na kla ku tabatin problema entre algun hóben ku a bin terminá ku un tiramentu den Kaya Neblina, ku e konekuensia ariba menshoná.
Riba òrdu di fiskal di Ministerio Públiko a konfiská e kurpa sin bida, pa mas investigashon.
E investigashon den e kaso aki ta kontinuá.