Renaissance Curaçao Resort & Casino nominá komo mihó resort den Caribe

Renaissance Curaçao Resort & Casino nominá komo mihó resort den Caribe

WILLEMSTAD – Aña ta habri ku bon notisia pa e team kompletu di Renaissance Curaçao Resort & Casino.  E resort ta nominá pa USA Today 10 Best Readers’ Choice travel awards 2020 den kategoria “the Best Caribbean Resort”.  E votashon a keda habrí djaluna último. Un grupo di eksperto di biahe a selektá Renaissance Curaçao Resort pa partisipá den e kompetensia aki. Kantidat di voto di kada bishitante di e wepsáit lo resultá den e fórmula final pa saka e ganadó den kada kategoria. Por vota tur dia; 1 bes pa dia, te ku dia 3 di febrüari, 2020. Renaissance Curaçao Resort ta invitá tur su fiel bishitantenan i komunidat kompletu pa vota di manera ku e premio por bin Kòrsou!

Loke ta hasi USA Today su ‘10 Best Readers Choice Travel Award’ importante ta ku tur hende rònt mundu por vota pa nan resort preferí den Caribe. Vota pa Renaissance Curaçao Resort dor di ‘klik’ e link https://www.10best.com/awards/travel/best-caribbean-resort-2020 Tuma nota; tur hende ku tin 18 aña bai ariba por vota. Esnan residensiá den Union Oropeo (EU) no por vota den e tanda aki. Lo anunsiá e ganadónan dia 14 di febrüari 2020 riba e websáit mes.  Pa mas informashon por bishitá www.10best.com/awards/

Renaissance Curaçao Resort & Casino ta un propiedat klave den Kòrsou su industria turístiko, di esei no tin duda. Resientemente a remodelá e lobby, 223 kamber, e casino i Nautilus Restaurant. Tur esaki resultando den un invershon di 12 mion dòler den e propiedat. Maylin Trenidad, General Manager ta masha kontentu ku e nominashon i ta felisitá e team kompletu pa nan dedikashon i pashon pa ekselensia, i pa hasi di Renaissance Curaçao Resort un faborito den Caribe!