Stichting T1D Warriors Official Launch 11 yanüari 2020

Stichting T1D Warriors Official Launch

11 yanüari 2020
E fundashon a kuminsá ku mayornan ku tabata reuní ku otro pa huntu nan papia tokante retonan ku nan ta enkontrá diario ku nan yunan ku e malesa di diabetes i ekspresá ku nan ta sinti falta di konsientisashon i komprondementu den nos komunidat.
E fundashon ta hiba e nòmber T1D Warriors, Type 1 Diabetes Warriors, komo ku kada un mucha ku e malesa di suku ta hiba un lucha 24 ora pa dia pa hiba un bida mas agradabel. Manera mayornan tabata reuní ku otro, nan yunan, e muchanan tambe tabata enkontrá ku otro i nan a bin realisá ku tin mas mucha ku e malesa, meskos ku nan.
Pa e aña aki, e fundashon tin komo meta pa kuminsá konsientisá komunidat i ta kuminsá bai skolnan pa konsientisa otro muchanan i dosentenan tambe. Tin hopi falta di konosementu pa ku e malesa aki. Falta hopi komprondementu di nos komunidat.
Fight for the rights.
Un lucha pa por ehempel seguro. Pa hasi bida di e muchanan mas agradabel sin mester hiba asina un lucha pa por komprondé e nesesidat a konsekuensia di e malesa. Tin varios aparato ku por fasilitá bida di e muchanan sin mester pasa den tantu tramite pa yega na nan.
Jaarplanning di e fundashon:
Pa ougustus benidero e fundashon ke drenta skolnan, prinsipalmente kantine di skolnan, ku fuyetonan, komo ku loke ta keda suministrá na kantine no ta kuadra ku nesesidat alimentisio di e muchanan.
Tambe e fundashon ke bai traha mas tantu huntu ku seguronan pa fasilitá bida di e muchanan. Tin varios aparato riba merkado ku por fasilitá bida di e muchanan di manera ku por ehèmpel nan no mester pasa angua tantu biaha riba e mes un dia pa por kontrolá nan suku. Ku yudansa di seguro mediko ta bira mas fasil pa e muchanan por hasi uso di e aparatonan ku ta disponibel.
Dia 14 di novèmber ta dia Internashonal di Diabetes i Fundashon T1D Warriors lo bai tin un aktividat hopi grandi pa nan miembronan i pa komunidat en general.
Goody bag nutrishonal.
Teniendo kuenta ku e malesa di diabetes, konsumo di koolhydraten ta hopi importante pa tene kuenta ku n’e. Komo pashènt di diabetes bo por sinti hopi hamber i teniendo kuenta ku koolhydraten bo por sasia bo hamber sin influensiá bo suku. Kontenido di e goody bag ta produktonan hopi abou na koolhydraten.
Di e forma aki Fundashon T1D Warriors ta spera di por kontribuí na halsa konsientisashon den nos komunidat pa muchanan ku e malesa di diabetes.

This site uses Akismet to reduce spam. Learn how your comment data is processed.

error: Content is protected !!
%d bloggers like this: